Beeeeeeee beeeeee

Así pasamos a tarde, entre ovellas, lá, conversas, aprendizaxes, algún conto e moitos puntos que se escapaban. Éste pode ser un brevísimo resumo da primeira sesión de obradoiro de calceta, tecedeiras, tecedeiros que celebramos esta tarde na nosa escola.

Como non se pode resumir o ben que o pasamos déixovos algunhas pingas en forma de imaxes e xa vos anunciamos que hai prevista unha nova sesión dentro de quince días na que os e as peques seguirán experimentando coa lá, correndo e xogando e as e os maiores (maioritariamente "as", animádevos homes!) seguiremos tentando facer un fermoso pucho de lá mentres botamos unhas risas.